اے سرفراز صفدر
اے علم کے سمندر
اے دین حق کے رہبر
اے زاہد و قلندر
ایثار مثل صدیق
اظہار مثل فاروق
غم خوار مثل عثماں
کردار مثل حیدر
اے رہبر شریعت
اے راشد طریقت
اے میر اہل سنت
اے تاج دار کشور
مضبوط تھا بڑھاپا
باطل ہمیشہ کانپا
نور ہدیٰ سراپا
یاد خدا کا پیکر
اے نقشبندی دل ساز
اے چشتیہ دل آرام
اے قادری دلاور
اے سہروردی دلبر
قلب و عقل میں یکتا
جود و فضل کا دریا
رنگ و شکل میں اعلیٰ
علم و عمل کا مظہر
طرز مناظرانہ
اوصاف ماہرانہ
انداز ساحرانہ
سب کچھ تمہارے اندر
مخدوم مثل محمود
خادم مثالی مدنی
محفوظ مثل اشرف
حافظ مثال انور
اے رہنما ہمارے
تم چاند ہم ستارے
ہم ہالہ تھے تمہارے
تم تھے ہمارا محور
دیدے جھپک رہے ہیں
آنسو لپک رہے ہیں
قطرے ٹپک رہے ہیں
دیوان سرسری پر
