منقبتِ صحابہؓ

عشقِ یارانِ نبیؑ خوشنودیٔ ربِ جلیل

حُبِ اصحابِؓ نبیؑ خوش قسمتی کی ہے دلیل

جو کوئی ان کی بزرگی کا نہیں ہے معترف

دونوں عالم میں یقیناً‌ ہو گیا خوار و ذلیل

عزت و تکریمِ یارانِ محمدؑ مصطفٰی

ہے یقینِ محکم و ایمانِ اکمل کی دلیل

اُن صحابہؓ سے تنفّر ہے صریحاً‌ گمرہی

جن کے ہوں قرآن میں مذکور اوصافِ جمیل

چار یارانِؓ محمدؑ مصطفٰی کی پیروی

حفظِ ایمان و یقیں کی ہے دوائے بے عدیل

بُغضِ یارانِ نبیؑ سے حق تعالیٰ کی پناہ

مرتکب ان حرکتوں کے ہیں نہایت ہی ذلیل

ہے تبرّا ان شقی بدبخت لوگوں کا طریق

علم و دانش کا ہے جن کے پاس سرمایہ قلیل

بے تکی جن کی شریعت من گھڑت جن کا فقہ

ساتھ لغویات کا ہے دفترِ طول و طویل

اہلِ سنت والجماعت کے طریقے میں ہے خیر

دین و دنیا میں یہی ہے کامیابی کی سبیل

آخرت کی فکر کر سرورؔ غلط لوگوں سے بچ

وقت تھوڑا رہ گیا بجنے کو ہے کوسِ رحیل

(دسمبر ۱۹۸۹ء)

دسمبر ۱۹۸۹ء

آہ! الشیخ عبد اللہ عزامؒ
مولانا ابوعمار زاہد الراشدی

حضرت مولانا عزیر گلؒ
مولانا ابوعمار زاہد الراشدی

اسلام کا فطری نظام
مولانا محمد سرفراز خان صفدرؒ

دینی تعلیم اور مدارس کی اہمیت
حضرت مولانا سید ابو الحسن علی ندوی

موت کا منظر
حکیم سید محمود علی فتحپوری

عورت کی حکمرانی کی شرعی حیثیت
مولانا مفتی حبیب الرحمٰن خیرآبادی