امیر المومنین فی الحدیث امام محمد بن اسماعیل بخاریؒ

امت پہ ترا کتنا ہے احسان بخاریؒ

یکجا کئے سرکارؐ کے فرمان بخاریؒ

قرآن کی تفسیرِ حقیقی ہیں احادیث

گویا ہیں احادیث بھی قرآن بخاریؒ

مسلمؒ ہو کہ ہو ترمذیؒ، داؤدؒ کہ ماجہؒ

ممتاز ہے ان سب میں تیری شان بخاریؒ

ہر قولِ نبیؐ، کانِ جواہر کا ہے مظہر

ہر حرف ترا لؤلؤ و مرجان بخاری

اللہ رے احادیثِ نبیؐ سے تری الفت

کی زیست اسی راہ میں قربان بخاریؒ

موضوع ہے کیا، کیا ہے ضعیف اور حسن کیا

کر لیتا تھا اک آن میں پہچان بخاریؒ

پڑھتے ہوئے کیوں لطف نہ عشاق اٹھائیں

محبوبِ دو عالمؐ کا ہے فرمان بخاریؒ

تجھ سے بڑا دنیا میں محدث نہیں کوئی

سب متفق اس پر ہیں مسلمان بخاریؒ

دنیا میں ہزاروں ہی  مدارس ہیں کہ جن میں

صدیوں سے ہے جاری تیرا فیضان بخاریؒ

اس بات سے آگاہ ہیں سب غیر مقلد

سمجھے ہیں فقط پیر و نعمانؒ بخاری

احناف نے کی دہر میں تعلیمِ نبیؐ عام

احناف کا ہے دہر پہ احسان بخاریؒ

درخواستی کا عشقِ بخاری ذرا دیکھو

پیری میں بھی ہونٹوں پہ ہے ہر آن بخاری

اللہ شفا دے انہیں جلدی کہو آمین

اگر وہ پڑھائیں ہمیں سلمان! بخاریؒ