عمل کا معجزہ حق ہے سکوت و ضبط باطل ہے

سرور میواتی

وطن کی خستگی وجہِ شکستِ بربطِ دل ہے

وطن کی اس تباہی میں ’’انا‘‘ کا ہاتھ شامل ہے

چمن کی رونقیں سب نذرِ صَرصَر ہوتی جاتی ہیں

نہ شادابی گلوں میں ہے نہ گل بانگِ عنادل ہے

شکستہ جام و مینا خشمگیں ساقی سبو خالی

یہ بزمِ ذی شعوراں ہے کہ دیوانوں کی محفل ہے

امنگیں مرثیہ خواں ہیں تمنائیں ہیں پژ مُردہ

حُدی خواں گنگ بیچارہ نہ ناقہ ہے نہ محمل ہے

تلاطم خیز دریا ہے سفینے کا خدا حافظ

ہے نوآموز کشتی باں نہاں نظروں سے ساحل ہے

جمالِ آشتی سے ہے مزاجِ یار بے گانہ

رعونت اُس بتِ طنّار کی فطرت میں شامل ہے

نہ ہو جائیں کہیں دہلیز و در ہی نذرِ ہنگامہ

نہ یہ گرنے پہ آمادہ نہ وہ جھکنے پر مائل ہے

دلِ نازک میں ہو پیدا کہاں سے ہمتِ مرداں

انانیت کی جب اس راہ میں دیوار حائل ہے

ہوا کا رخ پلٹ دے ہمت و تدبیر سے سرور

عمل کا معجزہ حق ہے سکوت و ضبط باطل ہے

ادبیات

(جولائی ۱۹۹۰ء)

جولائی ۱۹۹۰ء

جلد ۲ ۔ شمارہ ۷

شریعت بل اور تحریک نفاذ شریعت
مولانا ابوعمار زاہد الراشدی

انسانی اجتماعیت اور آبادی کا محور
شیخ التفسیر مولانا صوفی عبد الحمید سواتیؒ

خبرِ واحد کی شرعی حیثیت
شیخ الحدیث مولانا محمد سرفراز خان صفدر

تعوذ اور قرآن مجید
مولانا سراج نعمانی

’’شریعت بل‘‘ پر مختلف حلقوں کے اعتراضات
مولانا ابوعمار زاہد الراشدی

عیسائی اور یہودی نظریۂ الہام
محمد اسلم رانا

نسخ و تحریف پر مولانا کیرانویؒ اور ڈاکٹر فنڈر کا مناظرہ
محمد عمار خان ناصر

’’جمہوریت‘‘ — ماہنامہ الفجر کا فکر انگیز اداریہ
ادارہ

ہمارے دینی مدارس — مقاصد، جدوجہد اور نتائج
مولانا ابوعمار زاہد الراشدی

قرآنِ کریم اور سود
حضرت مولانا عبید اللہ سندھیؒ

تعارف و تبصرہ
ادارہ

آپ نے پوچھا
ادارہ

برص ۔ انسانی حسن کو زائل کرنے والا مرض
حکیم محمد عمران مغل

عمل کا معجزہ حق ہے سکوت و ضبط باطل ہے
سرور میواتی

تعلیم کے دو طریقے
حضرت شاہ ولی اللہ دہلویؒ

دینی و عصری تعلیم کے امتزاج کیلئے چند تجاویز
شیخ الاسلام مولانا سید حسین احمد مدنیؒ

تلاش

Flag Counter