الشریعہ اکادمی ہاشمی کالونی کنگنی والا گوجرانوالہ میں قرآن کریم حفظ و ناظرہ اور درس نظامی اولیٰ اور ثانیہ (مع میٹرک) کے مستقل تعلیمی سلسلوں کے علاوہ سال رواں کے لیے مندرجہ ذیل پروگرام طے کیا گیا ہے:
- مولانا زاہد الراشدی کاہفتہ وار درس ہر اتوار کو نماز مغرب کے بعد ہوگا۔
- ماہانہ فکری نشست ہر انگریزی ماہ کی آخری اتوار کو عصر تا مغرب ہوگی۔ اس سال کے لیے فکری نشستوں کا موضوع ’’علماء دیوبند کی دینی و سیاسی خدمات‘‘ طے کیا گیا ہے۔
- شہر کے دینی مدارس کے طلبہ کے لیے ’’انگلش بول چال کورس‘‘ ۱۰ نومبر تا ۱۳ ؍دسمبر ۲۰۱۲ء مرکزی جامع مسجد (شیرانوالہ باغ) میں منعقد کیا جائے گا، جبکہ عربی بول چال کا کورس کا انعقاد دینی مدارس کے سہ ماہی و شش ماہی امتحان کے درمیان کیا جائے گا۔
- ربیع الاول کے دوران میں دینی مدارس کے طلبہ کے درمیان سیرت النبی صلی اللہ علیہ وسلم کے موضوع پر تحریری اور تقریری مقابلوں کا اہتمام کیا جائے گا۔
- اس سال کے دوران میں تین سیمینار منعقد ہوں گے۔ پہلا سیمینار ۱۵؍ اکتوبر بروز پیر بعد نماز مغرب ’’حفظ قرآن کریم کے طلبہ کی تربیت اور ذہن سازی‘‘ کے موضوع پر ہوگا جس میں ممتاز علماء کرام اور حفظ و تجوید کے ماہر اساتذہ اظہار خیال کریں گے۔ دوسرا سیمینار آئندہ ربیع الاول میں تحریری و تقریری مقابلہ کے موقع پر منعقد ہوگا جبکہ تیسرے سیمینار کا انعقاد شعبان المعظم میں سالانہ تقریب کے طور پر کیا جائے گا، ان شاء اللہ تعالیٰ۔
- اس کے علاوہ وقتاً فوقتاً علمی و فکری شخصیات کو مختلف حوالوں سے اظہار خیال کی دعوت دی جائے گی جس کا اعلان موقع پر کر دیا جائے گا، ان شاء اللہ تعالیٰ۔
