مکرمی و محترمی، زید مجدکم! السلام علیکم ورحمۃ اللہ وبرکاتہ۔
امید کہ مزاج گرامی بخیر و عافیت ہوں گے۔
گرامی نامہ موجب مسرت ہوا۔ علمی و فکری کاموں کے لیے علماء دیوبند کا جو ادارہ آپ حضرات نے قائم فرمایا ہے، اس سے خوشی ہوئی، اور اس کے زیر اہتمام جو کانفرنس ۱۸ جولائی کو منعقد ہو رہی ہے، معلوم ہو کر بڑی مسرت ہوئی۔ دعا ہے کہ خدائے عز و جل اس کانفرنس کو ہر صورت سے کامیاب کرے، اور یہ ادارہ مغرب میں خصوصی طور پر مسلمانوں کی مذہبی، دینی و فکری رہنمائی کرتا رہے۔
مذکورہ کانفرنس میں شرکت کے لیے آپ نے بندہ کو دعوت دی ہے۔ میں اس کے لیے صمیم قلب سے ممنون ہوں۔ برطانیہ سے بھی بین الاقوامی ختم نبوت کانفرنس مورخہ یکم اگست کے لیے دعوت نامہ آیا ہے۔ مگر یہاں دارالعلوم کی مصروفیات اس موقعہ پر میرے لیے مانع رہیں گی، اس میں بھی شرکت نہیں کر پاؤں گا۔ میری طرف سے معذرت قبول فرمائیں۔
’’ورلڈ اسلامک فورم‘‘ کے قیام پر مبارکباد اور کانفرنس کے لیے نیک خواہشات قبول فرما کر دعواتِ صالحہ سے فراموش نہ فرمائیں۔
والسلام،
مرغوب الرحمٰن عفی عنہ
مہتمم دارالعلوم دیوبند
مکرمی و محترمی جناب مولانا محمد عیسیٰ منصوری صاحب زید مجدہم۔
